منی لانڈرنگ کی سختی سے روک تھام کا فیصلہ،ملک بھر میں ہر قسم کے بینک اکاؤنٹس کے ساتھ اب یہ کام کیاجائے،اسٹیٹ بینک نے تمام بینکوں کو بڑا حکم جاری کردیا

کراچی (جی نیوز) منی لانڈرنگ کی سختی سے روک تھام کا فیصلہ،ملک بھر میں ہر قسم کے بینک اکاؤنٹس کے ساتھ اب یہ کام کیاجائے،اسٹیٹ بینک نے تمام بینکوں کو بڑا حکم جاری کردیا منی لانڈرنگ سے متعلق جے آئی ٹی کی جانب سے سندھ حکومت سے مانگے گئے دستاویزات تاحال نہیں مل سکے،اسٹیٹ بینک نے  اکاؤنٹ ہولڈرز کے بائیو میٹرک کرانے کا حکم دے دیا۔ تفصیلات کے مطابق جعلی بینک اکانٹس کے ذریعے منی لانڈرنگ کا معاملہ پر جے آئی ٹی کی جانب سے سندھ حکومت سے مانگے گئے دستاویزات تاحال نہیں مل سکے۔ذرائع کے مطابق جے آئی ٹی نے مختلف محکموں اور کنٹرکٹرز کے دس سالہ ریکارڈ حاصل کرنے کیلئے لیٹر لکھا تھا، جے آئی ٹی کی جانب سے محکمہ خزانہ، محکمہ سروسز، شوگرملز، اور دیگر کنٹرکٹرز کے ریکارڈ حاصل کرنے کیلئے کہا گیا تھا، جے آئی ٹی کی جانب سے ریکارڈ کے حصول کیلئے چیف سیکریٹری سندھ کو خط بھی بھیجے گئے تھے۔علاوہ ازیں اسٹیٹ بینک نے تمام اکانٹس ہولڈرز کو بائیو میٹرک کرانے کا حکم دیا ہے، جس میں لسٹڈ، پبلک لمیٹڈ، ذاتی اکانٹ رکھنے والے شامل ہیں، حکم نامے میں ایک ہزار ملین سے زائد اثاثے رکھنے والے کو تیس نومبر تک بائیو میٹرک کرانے کا حکم دیا گیا ہے۔پانچ سو ملین رکھنے والی پبلک لمیٹڈ کمپنیز اکتیس جنوری تک بائیو میٹرک کرائیں جبکہ انفرادی بینک اکانٹس رکھنے والے تیس جون دوہزار انیس تک لازمی بائیو میٹرک کے پابند ہوں گے۔
مزید خبریں