’’غریب مزدور باپ‘‘ کے بیٹے شہباز شریف ’’امیر ترین‘‘ نکلے، قصور، شیخوپورہ، گوادری، ہری پور، لاہور میں سینکڑوں کنال زمین، پراپرٹی، بینک اکاؤنٹس میں بڑی رقوم، تفصیلات منظر عام پر آ گئیں

لاہور(جی نیوز) (ن) لیگ کے صدر شہباز شریف کیخلاف آمدن سے زائد اثاثہ جات کیس میں اہم پیشرفت، ایس ای سی پی، ایکسائز، ایل ڈی اے اور ایف بی آر نے نیب کو ریکارڈ فراہم کردیا۔تفصیلات کے مطابق سابق وزیر اعلی پنجاب شہبازشریف کیخلاف آمدن سیزائداثاثہ جات کیس میں ایس ای سی پی،ایکسائز،ایل ڈی اے اورایف بی آرنے نیب کوریکارڈ فراہم کردیا۔ دستاویزات کے مطابق شہباز شریف کروڑوں روپے کے اثاثوں کے مالک ہیں۔ شہباز شریف لندن میں 12 کروڑ 61 لاکھ 79 ہزار 18 روپے کے اثاثوں کے مالک ہیں۔قصور، شیخوپورہ میں 287 کنال سے زائد اراضی کے مالک ہیں شہباز شریف کے گوادر، ہری پور، ڈی ایچ اے میں بھی پلاٹ ہیں جبکہ ان کے اکانٹس میں 1 کروڑ 79 لاکھ57 ہزار 611 روپے موجود ہیں دستاویزات کے مطابق سابق وزیر اعلی لندن میں 12 کروڑ روپے سے زائد اثاثوں کے مالک ہیں۔ شہبازشریف نے 3 سال میں 2 کروڑ 74 لاکھ 36 ہزار 648 روپے انکم ٹیکس دیا۔شہبازشریف2015 اور2016 میں 585 کنال 2 مرلے زرعی اراضی کے مالک تھے، 2017 میں اراضی بڑھ کر 673 کنال 2 مرلے ہوگئی۔
مزید خبریں